呢篇文有點長..但是起起落落太大了..

Yoyo都係第一次7日之內,經歷: 洗,剪,吹. (廢話!)

是染! 剪! 染!

去了兩間髮廊!

講緊既係我無諗過要剪髮.你知啦,女仔剪髮真係要考慮好耐嫁麻..(可能得我一個先係咁

)

Yoyo好重視頭髮髮質.

所以Yoyo用既洗髮水,護髮素.焗油.髮尾油...

件件都親自去專業髮型屋買(不是剪髮果D.是只賣洗髮護髮果D)...

而且是百幾二百蚊..(我都知百幾二百蚊都唔貴,之但係我係窮人麻..百幾都好貴啦

)

之但係.無論我幾細心,對我D頭髮幾呵護..

D頭髮都係沒有光澤.

有一日,Yoyo煲緊一套大陸劇.

" 祼婚 " 入面既女主角既頭髮染成啡啡的...好靚靚呀...

看看自己既黑髮.心一動!就萌生染髮既念頭.

我呢個人,做咩野都鍾意坐言起行...拿拿聲去左染髮劑...(讀書例外!)

可惜突然間生病了,

(生病期間不敢染髮喔,好像是身體比較虛弱,而且D染髮劑既化學物料會破壞身體細胞)

一病就兩個星期,好返之後,第一時間,就扭計張生幫我染髮,我要改變形象.

我只是坐定定就有人服侍我,正.

花了2個小時....

最後竟然神奇到,一如既往....

個頭都係黑黑的..無染上一點染色.

浪費既錢!浪費我既時間!浪費張生既心機!浪費我既期望!

我選用的就是 Palty (看圖就是淺淺啡色了.)

內含
- 染劑
- 中和劑
- 含山茶花成分的專用美髮液 (我勸大家自己需要再加焗油,呢包作用不大!)
- 手套
- 刷型及說明書

大家睇睇佢既盒..明明是染成啡色的呀...

夠膽死,一D顏色都無...

真係俾佢激死.竟然染唔成,唔緊要.好女不與 Palty鬥!

心有不甘!!!我決定剪髮..來個改變..反正呢排諸事不順!(超迷信呀)

頭髮真係可以影響你成個人既形象.

自從上次年頭去左Porky 剪髮之後..

相隔左半年有多啦..Yoyo頭髮長了,又厚啦..

有想過再去找Porky 剪髮,因為我喜歡佢剪髮,快.靚.正..

不過太貴了,,,我不捨得!不過個人對佢既評語,佢剪髮的技巧我是覺得值得推薦既.

可以重溫:

魔髮師Porky VS 三千煩惱絲

Yoyo在張生的介紹下去找了一位網上大受好評的髮型師剪髮...

去剪之前還刻意上他的網看了他的作品.BLOG...
由是但到好期待~

果晚上到去...佢一見我頭髮,,,就話我平時一定無梳頭,打晒結,要做焗油先好開始剪..

(我想話,我用卷髮器卷左,而且噴左定型水,當然是有D打結啦)

之後洗頭時,個小姐話以我呢D長髮來講,頭髮都幾柔順..只有一個小結...

唉!!!果下好後悔..用左2百幾去焗油...仲係最平果隻...血汗錢呀我對不起你.

算啦...希望佢可以剪靚D啦...

之後,等左陣,開始剪啦...

要讚既係佢剪得超級細心...真係逐條剪咁..而且兩邊遂層既層次都要對稱.

要彈既就係真係剪得好慢呀..成2粒鍾咁耐呀...佢真係當我個頭好似藝術品,慢慢雕!!(修改為剪)

我坐到PATPAT都扁啦...張生話本雜誌都翻到可以背出來啦..

所以呢,,如果迅速快D就好啦,當然質素要保持,哈哈..我太多要求啦..

剪完.佢話會教點SET頭,點知一剪完就走左去...

感覺不是太好耶...今時今日咁既服務..不好耶

最後由佢其他同事幫我吹返個頭...

果下我係收貨嫁..好滿意~

之但係第2日起身...即係去船P果日...

我望住鏡中的自己差D哭了..前陰好短(我接受唔到短過眉)

由於層次的關係,後面的頭髮都起飛了...

怎麼辦?又要趕住出門口.夾都夾唔切啦..(當時我就係咁既樣啦)

最後隨便拉直幾下..當然去船P的時候髮尾都翹起了..

所以去船P果日點我全程戴超.除了見不得光之外!就係見不得人,

當日問了Kiko,柑柑好多次...

最後kiko建議染淺色會好d...

回家再望望鏡中的自己,真的猶如戴了個黑色的假髮..

好重好厚似的...

但是上個星期剛剛柒完,如果又再染一定會好傷..

想了一會.問張生,你覺得是不是染淺色後會比依家好看,

張生:是!!